শ্ৰীৰামপুৰ বজাৰত সাপৰ পোৱালী উদ্ধাৰ

শ্ৰীৰামপুৰ: গোসাইগাঁও মহকুমাৰ অন্তৰ্গত শ্ৰীৰামপুৰ বজাৰত আজি শতাধিক সাপৰ পোৱালী উদ্ধাৰ কৰে স্হানীয় ব্যৱসায়ীসকলে। ধাৰাষাৰ বৰষুণৰ ফলত এখন পকী প্লেটৰ তলৰপৰা এটা সাপৰ পোৱালী ওলাই অহা ৰাইজৰ চকুত পৰে। তাৰ পিচত এনেকুৱা সাপৰ পোৱালী এই পকী প্লেটৰ তলত আৰু থাকিব পাৰে বুলি পকী প্লেটখন উঠাই দিয়াত ওলাই আহে শতাধিক সাপৰ পোৱালী। দীৰ্ঘদিন ধৰি স্থানীয় ৰাইজে সেই ঠাইত সাপ প্ৰত্যক্ষ কৰিছিল।

শতাধিক সাপৰ পোৱালী ওলাই অহাত স্হানীয় যুৱকসকলে মিলি সাপকেইটাক উদ্ধাৰ কৰি বন বিভাগত খবৰ দিয়ে যদিও বন বিভাগে কোনো গুৰুত্ব নিদিয়াত সাপ বিলাকক হাৰাফুটা নদী পাৰ কৰি জংগলত এৰি দিয়ে যুৱকসকলে।