ওৰাঙৰ বালিগাঁৱত শোকাৱহ পথ দুৰ্ঘটনা: থিতাতে নিহত ১১ বছৰীয়া শিশু

ওৰাং: শনিবাৰে ওৰাঙৰ বালিগাঁৱৰ অসম অৰুণাচল সংযোগী ৰূপা পথত এক শোকাৱহ পথ দুৰ্ঘটনা সংঘটিত হয়। দুৰ্ঘটনাত থিতাতে নিহত হয় এটা ১১ বছৰীয়া শিশু। নিহত শিশুটো বালিগাঁৱৰ নিপেন মাহাতোৰ পুত্ৰ বিশাল মাহাতো।

শিশুটো ওৰাং প্ৰাথমিক বিদ্যালয়ৰ পঞ্চম শ্ৰেণীৰ ছাত্ৰ। জানিব পৰা মতে অৰুণাচলৰ পৰা তেজপুৰ অভিমুখী টাটা চুমুয়ে মহতিয়াই নিয়ে শিশুটিক। দুৰ্ঘটনা সংঘটিত কৰা টাটা চুমুখনে প্ৰথমে দুৰ্ঘটনা সংঘটিত কৰি পলায়ন কৰে যদিও ওৰাং আৰক্ষীয়ে ঢেকীয়াজুলিৰ পৰা কৰায়ত্ত কৰে টাটা চুমুখন।

দুৰ্ঘটনা সংঘটিত কৰা টাটা চুমুখনৰ নম্বৰ AR01K4206। দুৰ্ঘটনাক কেন্দ্ৰ কৰি বালিগাঁও অঞ্চলত শোকৰ ছাঁ পৰিছে।