ৰঙিয়া উদিয়ানাত পথ দুৰ্ঘটনাঃ নিহত ১ আহত ২

ৰঙিয়াঃ ৰঙিয়া সোঁমাজেৰে যোৱা ৩১ নং ৰাষ্ট্ৰীয় ঘাইপথৰ উদিয়ানাত আজি পুৱাৰ ভাগত সংঘটিত হয় ভয়াৱহ পথ দুৰ্ঘটনা। যাৰ ফলত এজন ব্যক্তিৰ মৃত্যু হোৱাৰ উপৰিও আন দুজন গুৰুতৰ ভাবে আহত হয়।

মৃত ব্যক্তিজন গাড়ীখনৰ চালক বুলি জানিব পৰা উপৰিও আহত এজন গাড়ীখনৰ সহযোগি কৰ্মী আছিল বুলি জানিব পৰা গৈছে। আন হতে আহত আনজন ব্যক্তি ৰঙিয়া জয়ন্তীপুৰৰ গকুল কলিতা বুলি জানিব পৰা গৈছে। ইতিমধ্যে গুৰুতৰ ভাবে আহত দুয়োজনকে সংকটজনক অৱস্থাত জিএমচিএইছলৈ প্ৰেৰণ কৰা হৈছে।

ঘটনাৰ বিষয়ে জনিব পৰা মতে গুৱাহাটীৰ পৰা বৰপেটা অভিমুখে AS16 A C 0712 নম্বৰৰ টাটা মোবাইল গাড়ীখনে তীব্ৰ গতিত পথত ৰৈ থকা গকুল কলিতাক খুন্দা মাৰি এখন দোকান ভাঙি ভিতৰলৈ সুমাই যায়। যাৰ ফলত গাড়ীখনৰ চালকজন ঘটনাস্থলীতে নিহত হোৱাৰ উপৰিও দুজনকৈ ব্যক্তি গুৰতৰভাৱে আহত হয়।