বৰপেটাঃ বৰপেটাৰ বৰ আগদিয়া গাঁৱত আৰক্ষীৰ অভিযান৷ আৰক্ষীৰ অভিযানত আটক এটা জুৱাৰী৷ বৰপেটা থানাৰ অন্তৰ্গত বৰ আগদিয়া গাঁৱৰ বাবু ক্লাৱ এণ্ড লাইব্ৰেৰীৰ বাৰ্ষিক অধিবেশন উপলক্ষে যোৱা নিশা অধিবেশনস্থলীৰ সমীপত বহিছিল জুৱাৰ আড্ডা৷ গাঁওখনত মুকলিকৈ জুৱা খেল চলাৰ খবৰ পাই আৰক্ষীয়ে অভিযান চলায় যদিও জুৱাৰীসকল পলাই যাবলৈ সক্ষম হয়৷ অবশ্যে বৰপেটা আৰক্ষীয়ে চুলতান আলী নামৰ এটা জুৱাৰীক ডায়াচসহ আটক কৰিবলৈ সক্ষম হয়৷ জুৱাৰীটোক আজি আদালতত হাজিৰ কৰাত আদালতে জুৱাৰীটোক জেল হাজোতলৈ প্ৰেৰণ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।