বৰপেটাঃ বৰপেটাত আধাৰ কেন্দ্ৰত অনিয়ম৷ বৰপেটাৰ দঙৰকুছি মিস্ত্ৰিপাৰাত আৰক্ষীৰ অভিযান৷ আৰক্ষীয়ে অভিযান চলাই অবৈধভাৱে আধাৰ প্ৰস্তুতৰ সৈতে জড়িত তিনিজন লোকক আটক কৰে। আৰক্ষীয়ে আটক কৰা লোককেইজন প্ৰহ্লাদ সৰকাৰ, প্ৰভাত মণ্ডল আৰু ছহিদুল ইছলাম৷ প্ৰহ্লাদ সৰকাৰ আধাৰ কেন্দ্ৰটোৰ চুপাৰভাইজাৰ৷ বিভাগীয়ভাৱে দক্ষিণ বেতবাৰী গাঁও পঞ্চায়ত কাৰ্যালয়ত আধাৰ কেন্দ্ৰৰ অনুমতি দিয়া হৈছিল প্ৰহ্লাদ সৰকাৰক৷ পিছে দক্ষিণ বেতবাৰী গাঁও পঞ্চায়ত কাৰ্যালয়ৰ পৰিৱৰ্তে দঙৰকুছিৰ মিস্ত্ৰীপাৰাৰ এঘৰত আধাৰ কেন্দ্ৰ স্থাপন কৰি ধনৰ বিনিময়ত আধাৰ প্ৰস্তুত কৰি থকাৰ অভিযোগ উঠাৰ পিচতেই কেন্দ্ৰটোত অভিযান চলাই আৰক্ষীয়ে আটক কৰে লোক কেইজনক৷ দলটোৰ পৰা আধাৰ প্ৰস্তুতৰ কামত ব্যৱহৃত দুটা লেপটপ, এটা বায়'মেট্ৰিক ডিভাইছ, ৰেটিনা স্কেনাৰ, স্কেনাৰ মেচিনৰ লগতে নগদ প্ৰায় ৬ হাজাৰ টকা জব্দ কৰে আৰক্ষীয়ে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।