বাহাৰঘাটঃ যোৱানিশা হাজোৰ বুল্লুট অঞ্চলৰ পৰা অপহৰণ কৰি অনা যুৱক এজনৰ আঘাটপ্ৰাপ্ত অৱস্থাত বাহাৰঘাটৰ বৰলীয়া নৈৰ সো মঠাউৰিৰ বাহনিৰ মাজত উদ্ধাৰ হয় যুৱকজন৷ উল্লেখযোগ্য যে কুসুম আলি(ইচমাইল)নামৰ যুৱকজনক পূৰ্বতে হাজোৰ বুল্লুট অঞ্চলত দুটা ফৈদৰ মাজত হোৱা সংঘৰ্ষৰ হেতুত যোৱাকালি কেইজনমান মানুহে অপহৰণ কৰি আনিছিল৷ যুৱকজনৰ লগত আৰু চাৰিজনক অপহৰণ কৰিছিল যদিও তিনিজন পলাবলৈ সক্ষম হয়৷ দুৰ্বৃত্তই যুৱকজনক শৰীৰৰ বিভিন্ন ঠাইত আঘাট কৰিছিল যদিও আঘাটপ্ৰাপ্ত অৱস্থাতে দৌৰি দৌৰি আহি বাহনিৰ মাজত পৰি যায়৷ তাতে তেওঁক দুৰ্বৃত্তই মৃত্যু হোৱা বুলি এৰি যায় যদিও আঘাটপ্ৰাপ্ত যুৱকজনৰ মৃত্যু হোৱা নাছিল৷ আজি পুৱা স্থানীয় ৰাইজে আঘাটপ্ৰাপ্ত অৱস্থাত দেখা পোৱাত আৰক্ষীক খৱৰ দিয়ে৷ অৱশেষত পৰিয়ালৰ সহযোগত ঘগ্ৰাপাৰ আৰক্ষীয়ে আঘাটপ্ৰাপ্ত যুৱকজনক উদ্ধাৰ কৰি চিকিৎসালয়লৈ প্ৰেৰণ কৰে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।