জামুগুৰিহাট: শোণিতপুৰ জিলাৰ জামুগুৰিহাটৰ কুসুমটোলা ব্যৱসায়ীক কেন্দ্ৰস্থিত এটা SBIৰ ATM শনিবাৰে নিশা চুৰি কৰি নিয়ে দুস্কৃতিকাৰীয়ে৷ ATMটোৰ গৃহৰ ছাটাৰ কাটি ভিতৰত প্ৰবেশ কৰি ATMটো ভাঙি টকা লৈ উধাও হয় দুষ্কৃতিকাৰীসকল। অত্যাধুনিক সা-সৰঞ্জামলৈ দুস্কৃতিকাৰীয়ে ATMটো ভঙা বুলি স্থানীয় ৰাইজে মন্তৱ্য কৰিছে৷ পুৱা স্থানীয় ৰাইজে ধন উলিয়াবলৈ আহি ATM টো চুৰি হোৱা কথা জানিব পাৰি জামুগুৰি আৰক্ষীক খৱৰ দিয়ে৷ প্ৰায় ২৫ লাখ টকা ATMটোত মজুট থকা বুলি জামুগুৰি আৰক্ষী সুত্ৰে জানিব পৰা গৈছে৷ সম্প্ৰতি জামুগুৰি আৰক্ষীয়ে সমগ্ৰ ঘটনাৰ তদন্ত অব্যাহত ৰাখিছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।