ওৰাঙত পৰীক্ষাত অনুত্তীৰ্ণ হোৱা ছাত্ৰৰ আত্মহত্যা

ওৰাং: আজি ঘোষণা কৰা উচ্চতৰ মাধ্যমিক পৰীক্ষাৰ ফলাফলত অনুত্তীৰ্ণ হোৱাৰ বাবে ওৰাং আৰক্ষী থানাৰ অন্তৰ্গত গৰুবান্ধা গাঁৱত এগৰাকী ছাত্ৰই আত্মহত্যা কৰে। আত্মহত্যা কৰা ছাত্ৰগৰাকী ওৰাং কলাগুৰু বিষ্ণুৰাভা কনিষ্ঠ মহাবিদ্যালয়ৰ ছাত্ৰ যতীন্দ্ৰ মোহন ডেকা।

১৯ বছৰীয়া ছাত্রজনৰ পিতৃৰ নাম লোহিত ডেকা। উচ্চতৰ মাধ্যমিক পৰীক্ষাৰ ফলাফল বেয়া হোৱাৰ বাবে নিজা গৃহত গামোচাৰে চিপজৰী লৈ আত্মহত্যা কৰে ছাত্রজনে৷ ঘটনাটোক লৈ সমগ্ৰ অঞ্চলজুৰি শোকৰ ছাঁ পৰা পৰিলক্ষিত হৈছে।