ডিব্ৰুগড়ঃ মটকসকলৰ শ্ৰেষ্ঠ ৰজা স্বৰ্গদেউ সর্বানন্দ সিংহৰ ২১৭ সংখ্যক তিৰোভাৱ তিথি তথা সৰ্বানন্দ সিংহ দিৱস আজি মটক সন্মিলন,মটক যুৱ-ছাত্র সন্মিলন, মটক যুৱ-ছাত্ৰ পৰিষদ, মটক ৰাজবংশ উন্নয়ন সমিতি আৰু মটক মহিলা পৰিষদৰ যৌথ উদ্যোগত তিনিচুকীয়া তিনকোনিয়া পুখুৰীস্থিত কেন্দ্রীয়ভাৱে অনুষ্ঠিত কৰা হয়।
পুৱা ৯.০০ বজাত তিনিকোণীয়া পুখুৰীৰ নামঘৰত মাঙ্গলিক নাম ধর্ম গায়ন-বায়ন দিৱসটি উদযাপন কৰে। স্বৰ্গদেউ সর্বানন্দ সিংহৰ প্রতিমূর্তিত মাল্যার্পণ আৰু বন্তি প্ৰজ্বলন কৰে মটক ৰাজবংশ উন্নয়ন সমিতিৰ সভাপতি হেমন্ত গােহাঁইয়ে। উক্ত অনুষ্ঠানত মটক যুৱ-ছাত্র পৰিষদৰ ভাৰপ্রাপ্ত সভাপতি নিযুত বৰুৱা, সাধাৰণ সম্পাদক উজ্জ্বল বৰুৱা লগতে কেইটা সংগঠনৰ কেন্দ্ৰীয়, জিলা আৰু আঞ্চলিক সমিতিৰ সদস্য-সদস্যাসকল উপস্থিত থাকে।
ইয়াৰ পিছত সর্বানন্দ সিংহৰ প্রতিমূর্তি লৈ দুই শতাধিক বাইকেৰে ন-পুখুৰী, চাউলধোৱা পুখুৰী, শেলুকীয়া পুখুৰীকে ধৰি আটাইকেইটা পুখুৰী পৰিভ্ৰমণ কৰি পদুমনিস্থিত বজাৰ সমাধিস্থল সেৱা দান কৰি শােভাযাত্ৰাৰে শুইজানস্থিত নামঘৰত নাম প্রসংগ কৰা হয়।
