ওৰাঙৰ ভিন্ন ঠাইত পথ দুৰ্ঘটনা

ওৰাংঃ ক্ৰমাৎ মৃত্যুদূতত পৰিণত হৈছে ১৫ নং ৰাষ্ট্ৰীয় ঘাইপথ। ৰাষ্ট্ৰীয় ঘাইপথৰ বিধ্বস্ত ৰূপৰ বাবে প্ৰতিদিনে সংঘটিত হৈছে পথ দুৰ্ঘটনা। ওৰাঙৰ ভিন্ন ঠাইত সোমবাৰে সংঘটিত হয় তিনিটাকৈ পথ দুৰ্ঘটনা। ওৰাঙৰ পাউৰীপোটাত টেক্টৰ আৰু অ'টৰ মাজত সংঘটিত হয় এক ভয়ংকৰ পথ দুৰ্ঘটনা।

এখন বালিভৰ্তি টেক্টৰ আৰু এখন অ'টৰ মাজত মুখামুখি সংঘৰ্ষত গুৰুতৰ ভাবে আহত হয় অ'ট চালকজন। সংকটজনক অৱস্থাত ততালিকে চিকিৎসালয়লৈ প্ৰেৰণ কৰে স্থানীয় ৰাইজে। দুৰ্ঘটনা সংঘটিত হোৱা টেক্টৰখনৰ নম্বৰ AS 01 FC 5731 আৰু অ'টখনৰ নম্বৰ AS 12B 2047।

আনহাতে ওৰাঙৰ ১৫ নং ৰাষ্ট্ৰীয় ঘাইপথৰ গেলাবিলত পৃথকে পৃথকে সংঘটিত হয় দুটাকৈ পথ দুৰ্ঘটনা। দুৰ্ঘটনাত গুৰুতৰ ভাবে আহত বাইক আৰোহী। উল্লেখযোগ্য যে ১৫ নং ৰাষ্ট্ৰীয় ঘাইপথৰ মাজত প্ৰকাণ্ড প্ৰকাণ্ড গাঁত সৃষ্টি হোৱাৰ ফলতে সঘনাই সংঘটিত হৈ আহিছে পথ দুৰ্ঘটনা। সোমবাৰে সন্ধিয়াও অনুৰূপ ঘটনা সংঘটিত হয়।