কুকুৰৰ প্ৰাণ বচাবলৈ গৈ দুৰ্ঘটনাত পতিত টেম্পুঃ নিহত এজন যাত্ৰী

হাটশিঙিমাৰীঃ মানকাচৰত সোমবাৰে বিয়লি সংঘটিত হয় এক ভয়াৱহ পথ দুৰ্ঘটনা। দুৰ্ঘটনাত এজন যাত্ৰী নিহত আৰু দুজন আহত হৈছে বুলি জানিব পৰা গৈছে।

জানিব পৰা মতে, ML08-A-7689 নম্বৰৰ যাত্ৰীবাহী টেম্পুখন মানকাচৰৰ কাকৰিপাৰাৰ পৰা হাটশিঙিমাৰী লৈ অহা মুহূৰ্তত মানকাচৰৰ জলসিঞ্চন বিভাগৰ অতিথিশালাৰ সন্মুখত কুকুৰ এটাক বচাবলৈ লওঁতে নিয়ন্ত্ৰণ হেৰুৱাই দুৰ্ঘটনাত পতিত হয় আৰু টেম্পুখন পথৰ ওপৰত বাগৰি পৰে।

নিহত যাাত্ৰীজন হাটশিঙিমাৰী খাৰুৱাবান্ধা গাৱঁৰ জাকিৰ হুছেইন(৫০) বুলি জানিব পৰা গৈছে। ইপিনে টেম্পুখনত থকা দুজন যাত্ৰী সামান্য পৰিমাণে আঘাতপ্ৰাপ্ত হয়।