চিৰাঙৰ বিজনীত নিশা চুৰে লুটিলে ধন

বিজনীঃ চিৰাং জিলাৰ বিজনী চহৰৰ এলএনবি ৰোডত সোমবাৰে নিশা দুখন দোকানত চুৰিকাণ্ড সংঘটিত হয়। বিজনী থানাৰ পৰা প্ৰায় এশ মিটাৰ দূৰত্বত অৱস্থিত দুখন দোকানত সংঘটিত হয় এই চুৰিকাণ্ড। বিজনী চহৰৰ এলএনবি পথস্থিত নাউমণিৰাম দাস এণ্ড চনচ নামৰ পূজাৰ সামগ্ৰী বিক্ৰেতা দোকানখনত সংঘটিত হয় এই চুৰিকাণ্ড।

চোৰে ভেণ্টিলেটৰেদি প্ৰৱেশ কৰি দোকানৰ ছিলিং খুলি দোকানৰ ভিতৰত প্ৰৱেশ কৰি কেছ বাকছৰ পৰা নগদ ২৫ হাজাৰ টকা লুটি লৈ যায়। তাৰোপৰি দোকানখনৰ গাতে লাগি থকা ৰামকৃষ্ণ ষ্টোৰ্চ নামৰ বাচনৰ দোকান এখনৰ পৰাও সামান্য নগদ ধন লুটি নিয়ে। আজি বিজনী থানাৰ আৰক্ষী ঘটনাস্থলীত উপস্থিত হৈ তদন্ত আৰম্ভ কৰে।