শালবাৰীত বেঁকী নৈৰ খহনীয়াত উছন শতাধিক পৰিয়ালৰ ঘৰ-মাটি

   
শালবাৰীঃ বাক্সাৰ শালবাৰীত বেকী নৈৰ ভয়ংকৰ ৰূপ৷ চপৰা চপৰে খহিছে বেকীৰ পাৰ৷ খহনীয়াত উচন কেবাটাও পৰিয়ালৰ ঘৰ-মাটি৷ নিজৰ ঘৰখন এৰি থৈ নিৰাপদ ঠাইত আশ্ৰয় লৈছে নৈপৰীয়া ৰাইজে৷ বছৰ বছৰ ধৰি এলেঙামাৰী, গোৱৰ্ধনা, নাৰায়ণগুৰি, বিশপানী, চূণবাৰী, ছাফাকামাৰ, ৰাঘবিল, ননকে খাগ্ৰাবাৰী আদি অঞ্চলত বেঁকী নৈয়ে তীব্ৰ খহনীয়াৰ সৃষ্টি কৰি বহু পৰিয়ালৰ ঘৰমাটি, খেতিপথাৰ আদি উছন কৰি পেলাইছে৷ এইবেলিও বেঁকীৰ খহনীয়াই ভয়ংকৰ ৰূপ লৈছে সমগ্ৰ অঞ্চলত।

নৈপৰীয়া ৰাইজৰ অভিযোগ চৰকাৰৰ মানুহ আহে কিন্তু চাইহে যায়। নিৰ্বাচনৰ সময়ত চৰকাৰৰ নেতাসকল আহে আৰু খহনীয়া ৰোধ কৰিম বুলি আশা দি যায়৷ কিন্তু নিৰ্বাচন যোৱাৰ পিছত খবৰ লবলৈ কোনোৱে নাহে। নৈপৰীয়া ৰাইজৰ নতুন চৰকাৰলৈ কাতৰ অনুৰোধ চৰকাৰখনে খহনীয়া ৰোধ কৰিলে বহু মানুহে বিপদৰ পৰা মুক্তি পাব।