হাতিখালিত ভয়ংকৰ পথ দুর্ঘটনাঃ নিহত ১ আহত ২

লামডিংঃ ডিমা হাছাও জেলাৰ হাতিখালিত যোৱা নিশা ফৰেস্ট অফিছৰ সমীপতে সংঘটিত হল এক ভয়ংকৰ পথ দুর্ঘটনা।জানিবপৰা মতে AS 02 BC 3242 নম্বৰৰ এখন টাটা মোবাইল গাড়ী পাচলি ভর্তি কৰি লামডিঙৰ পৰা মাহুৰলৈ গৈ আছিল৷

কিন্তু হঠাতে লামডিং হাফলং ২৭ নং ৰাষ্ট্ৰীয় ঘাইপথৰ ডিমা হাছাও জিলাৰ হাতিখুলিত অতিৰিক্ত বোজাৰ বাবে নিয়ন্ত্রন হেৰুৱাই দুৰ্ঘটনাত পতিত হয়৷ যোৱানিশা আনুমানিক ৯ বজাত এই দুর্ঘটনা সংঘটিত হয় ফলত থিতাতে সৰযু দাস নামৰ এগৰাকী মহিলা নিহত হয় আৰ দুগৰাকী মহিলা আহত হয়।

আহত মহিলা দুগৰাকীক লামডিং অসামৰিক চিকিৎসা কেন্দ্রলৈ অনা হয় যদিও এগৰাকী মহিলাক সঙ্কটজনক অৱস্থাত উন্নত চিকিৎসাৰ কাৰণে হাম চিকিৎসালয়লৈ প্রেৰণ কৰা হয়। নিহত মহিলা গৰাকী লামডিং কল্যাণ নগৰৰ বাসিন্দা বুলি জানিব পৰা গৈছে। দুর্ঘটনা সংঘটিত কৰা ড্রাইভাৰ আৰু হেণ্ডিমেন এতিয়াও পলাতক অৱস্থাত আছে৷