লামডিং ৰে'ল ষ্টেচনত আৰক্ষীৰ কটকটীয়া নিৰাপত্তা

লামডিং: লামডিং ৰে'ল ষ্টেচনত হঠাৎ আৰক্ষীৰ তৎপৰতা দেখা গ'ল। লামডিং ৰে'ল ষ্টেচনত আৰক্ষী, ৰে'ল আৰক্ষী, আৰক্ষীৰ বিশেষ শাখায়ে যুটীয়া তালাচী অভিযান চলায়। জানিব পৰা মতে কোনো উগ্ৰপন্থী সংগঠনে লামডিং ৰে'ল ষ্টেচনত আইডি বিস্ফোৰণৰ পৰিকল্পনা কৰাৰ বাবে আজি লামডিং ৰে'ল ষ্টেচনত কটকটীয়া নিৰাপত্তা ব্যৱস্থা কৰা হয়। ষ্টেচনত থকা সকলো বস্তু তথা যাত্ৰীৰ সামগ্ৰীসমূহ নিৰীক্ষণ কৰা হয়।

বৰ্তমানেও অব্যাহত আছে তালাচী অভিযান। উল্লেখযোগ্য যে যোৱা ডিচেম্বৰ মাহৰ পৰা লামডিং ৰে'লৱে ষ্টেচনত চিচি টিভি কেমেৰা বিকল হৈ পৰি আছে। আগন্তুক দিনত ৰে'ল ষ্টেচনত যাত্রীৰ সুৰক্ষাকলৈ কি ব্যৱস্থা গ্রহণ কৰিব সেইয়া লক্ষণীয় হ'ব।