ৰঙিয়াত চুলাই খাই শিক্ষকৰ মৃত্যু

ৰঙিয়া: ৰঙিয়া ষ্টেচনৰ তেতলিগুৰীত চুলাই খাই এজন শিক্ষকৰ মৃত্যু। আজি অৰ্থাৎ ২৯ মে' তাৰিখে পুৱাৰ ভাগত মৃদুল কলিতা (৪২) নামৰ টেট শিক্ষকগৰাকীয়ে চুলাই খাই পথটোৰে যোৱাৰ সময়তে পথৰ কাষত থকা নলাত পৰি মৃত্যুক আঁকোৱালি লয়।

ৰঙিয়া তিনিআলিৰ ব্যক্তিজনে এনেদৰে মৃত্যক সাৱতি লোৱাত স্থানীয় ব্যক্তিসকলে আৰক্ষীক আৱগত কৰে যদিও আৰক্ষীয়ে পৰিয়ালৰ লোক থানালৈ আহিলেহে আৰক্ষী ঘটনাস্থলীলৈ যাব পাৰিব বুলি অৱগত কৰাত বিপাঙত পৰে খবৰ দিবলৈ অহা ব্যক্তিসকল। ৰঙিয়া আৰক্ষীৰ এনে মন্তব্যত স্থানীয় লোকৰ মাজত প্ৰতিক্ৰিয়াৰ সৃষ্টি হৈছে।

বৰপেটা জিলাত টেট শিক্ষক হিচাপে নিয়োজিত হৈ থকা মৃদুল কলিতা নামৰ শিক্ষকজন ৰঙিয়াৰ প্ৰাক্তন বিডিঅ' সুকুমাৰ কলিতাৰ দ্বিতীয় পুত্ৰ বুলি জানিব পৰা গৈছে।