শ্ৰীৰামপুৰ: গোসাঁইগাঁৱত বৃহৎ পৰিমাণৰ গুলী আৰু এ কে ৫৬ বন্দুক, পিষ্টলসহ এনডিএফবিৰ দুধৰ্ষ সদস্য আটক। সদস্যজন চৰাইবিল আৰক্ষী চকীৰ অক্সিগুৰি গাঁৱৰ ধৰ্মদাস নাৰ্জাৰীৰ পুত্ৰ ৰহিতন নাৰ্জাৰী (৩৩) বুলি জানিব পৰা গৈছে। বৰ্তমান আৰক্ষীয়ে সোধা পোছা অব্যাহত ৰাখিছে। তেওঁৰ পৰা এটা ৭.৬৫ পিষ্টল, মেগজিন আৰু ১৫ জাই সজীৱ গুলী উদ্ধাৰ কৰা হয়।
সেনা, আৰক্ষী আৰু চিআৰপিএফৰ যৌথ অভিযান চলাই অক্সিগুৰি গাঁৱৰ পৰা আৰক্ষীয়ে আটক কৰে সদস্যজনক। অভিযানত নেতৃত্ব দিয়ে মহকুমা আৰক্ষী বিষয়া বিদ্যুৎ বিকাশ বৰা ভূঞাই। উল্লেখ্য যে ৰহিতন নাৰ্জাৰী ২০১৭ চনত আৰক্ষীৰ হাতত ধৰা পৰিছিল। গ্ৰেপ্তাৰ হোৱাৰ পিছত জেলৰ পৰা ওলাই তেওঁ পুনৰ সশস্ত্ৰ সংগঠন এনডিএফবিত যোগদান কৰে।
আজি সেনা আৰু আৰক্ষীয়ে বিশেষ খবৰৰ ভিত্তিত অভিযান চলাই পুৱা নিজ ঘৰৰ পৰা আটক কৰে সদস্যজনক।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।