সাংবাদিক অমূল্য দত্তৰ মৃত্যু

ডিজিটেল ডেস্ক: নুমলীগড়ৰ দৈগ্ৰোঙত দুৰ্ঘটনাত পতিত হৈ সাংবাদিক অমূল্য দত্তৰ মৃত্যু। তীব্ৰবেগী ডাম্পাৰে পাছফালৰ পৰা খুন্দিয়াইছিল দত্তক। পুৱা বাতৰি সংগ্ৰহ কৰি উভতি অহাৰ পথত সংঘটিত হয় এই শোকাৱহ দুৰ্ঘটনাটো। ডাম্পাৰৰ খুন্দাত মূৰত গুৰুতৰভাৱে আঘাত পাইছিল দত্তই। যোৰহাটৰ হাস্পতালত চিকিৎসকে মৃত ঘোষণা কৰে দত্তক।

অমূল্য দত্ত এটা ব্যক্তিগত চেটেলাইট চেনেলৰ নুমলীগড়ৰ সাংবাদিক আছিল। সাংবাদিক দত্তৰ মৃত্যুত নুমলীগড়ত শোকৰ ছাঁ পৰিছে। বহুবছৰ ধৰি সাংবাদিকতাৰ সৈতে জড়িত আছিল প্ৰয়াত দত্ত। মৃত্যুৰ সময়ত পত্নীসহ দুগৰাকী কন্যা সন্তান এৰি থৈ যায় দত্তই।