লখিমপুৰত ভয়ংকৰ পথ দুৰ্ঘটনাই সপোন কাঢ়িলে এজন মেধাৱী ছাত্ৰৰ

লখিমপুৰঃ লখিমপুৰ জিলাৰ আজাদৰ সোকাজানপুৰি গাঁৱৰ নিৱাসী বহাগী গগৈৰ পুত্ৰ সোমনাথ গগৈয়ে যুঁজি আছে জীৱন-মৃত্যুৰ সৈতে।

কলিকতাত ইঞ্জিনীয়াৰিং পঢ়ি থকা সোমনাথ গগৈ কিছুদিন পূৰ্বে লখিমপুৰৰ ঘৰলৈ আহিছিল। সোমবাৰে নিশা বন্ধুৰ ঘৰৰ পৰা উভটি ঘৰলৈ যাওঁতে লখিমপুৰৰ বৰমূৰীয়া তিনিআলিত এক ভয়ংকৰ পথ দুৰ্ঘটনাত পতিত হয় ছাত্ৰজন।

দুৰ্ঘটনাটোত মূৰত গুৰুতৰভাবে আঘাত পাই মেধাৱী ছাত্ৰজনে জীৱন-মৰণৰে বৰ্তমান যুঁজি আছে ডিব্ৰুগড়ৰ সঞ্জীৱনী চিকিৎসালয়ত। আৰ্থিক দুৰৱস্থাৰ বাবে সোমনাথৰ চিকিৎসাৰ বাবে অসমৰ্থ সোমনাথৰ পৰিয়ালৰ লোক।

যাৰ বাবে পৰিয়ালৰ লোকে সোমনাথৰ প্ৰাণ ভিক্ষা মাগি সোমনাথৰ চিকিৎসাৰ বাবে অলপ সহায়ৰ হাত আগবঢ়াবলৈ কাতৰ আহ্বান জনাইছে ৰাইজক।

তেওঁক সহায়ৰ হাত আগবঢ়াব পাৰিব তেওঁৰ SBI Account NO. 32481062675 IFSC -SBIN0016936 অথবা যোগাযোগ কৰক এই নম্বৰত-7002965581-ত