ৰঙিয়াৰ কেন্দোকোণাত লোমহৰ্ষক ডকাইতি

ৰঙিয়া: ৰঙিয়াৰ কেন্দোকোণাত সংঘটিত হৈছে লোমহৰ্ষক ডকাইতি। বাইহাটাৰ ৰমেশ শইকীয়া নামৰ ব্যৱসায়ী এজনৰ পৰা পাঁচ লাখ পঞ্চাছ হাজাৰ টকা লুটি নিলে দুৰ্বৃত্তই। নলবাৰী এক্সিচ বেঙ্কৰ পৰা ব্যক্তিজনে উলিয়াই আনিছিল ধনখিনি। নিজ গাড়ীৰে আহি কেন্দোকোণাত নমাৰ লগে লগেই পালচাৰত অহা দুই দুৰ্বৃত্তই ব্যক্তিজনৰ কান্ধৰ পৰা ঠপিয়াই নিয়ে টকাৰ বেগটো। ইতিমধ্যে ৰঙিয়া মহকুমা আৰক্ষীক অবগত কৰাৰ উপৰি থানাত এক গোচৰ ৰুজু কৰিছে ৰমেশ শইকীয়া নামৰ ব্যক্তিজনে।

আৰক্ষীয়ে বৰ্তমান তীব্ৰ অভিযান অব্যাহত ৰাখিছে। ঘটনাটোক কেন্দ্ৰ কৰি এতিয়া সমগ্ৰ অঞ্চলত ব্যাপক প্ৰতিক্ৰিয়াৰ সৃষ্টি হৈছে।