ধুবুৰী: ধুবুৰী জিলাৰ চাপৰত বুধবাৰে সন্ধিয়া সংঘটিত হয় এক চাঞ্চল্যকৰ ঘটনা।
চাপৰ বজাৰৰ মাজমজিয়াৰ পৰা নিৰুদ্দেশ হয় এগৰাকী প্ৰতিষ্ঠিত ব্যৱসায়ী। চাপৰ নগৰৰ ২ নং ৱাৰ্ডৰ বাসিন্দা ৰবি পালৰ দ্বিতীয় পুত্ৰ তথা নগৰখনৰ কাঁহ-পিতলৰ আগশাৰীৰ ব্যৱসায়ী বিজু পাল বুধবাৰৰ সন্ধিয়া ৭ বজাৰ পৰা নিজ দোকানৰ পৰা নিৰুদ্দেশ হৈ আছে।
পৰিয়ালৰ লোকৰ সন্দেহ ব্যৱসায়ী যুৱকজনক অজ্ঞাত দুৰ্বৃত্তই অপহৰণ কৰিছে। এই সংক্ৰান্তত বিজু পালৰ পৰিয়ালবৰ্গই চাপৰ থানাত এক এজাহাৰ দাখিল কৰিছে । আৰক্ষীয়ে সমগ্ৰ ঘটনা সংক্ৰান্তত তদন্ত অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।