জুলাইৰপৰা সলনি হ'ব ৰাজ্য চৰকাৰৰ কাৰ্যালয়ৰ সময়সূচী

 05/31/2019 - 15:06

ডিজিটেল ডেস্ক: আগন্তুক পহিলা জুলাইৰপৰা সলনি হ'ব ৰাজ্য চৰকাৰৰ কাৰ্যালয়ৰ সময়সূচী। সেই অনুসৰি পহিলা জুলাইৰপৰা চৰকাৰী কাৰ্যালয়ত কৰ্মচাৰী উপস্থিত হ’ব লাগিব পুৱা ৯.৩০ বজাৰ পৰিৱৰ্তে পুৱা ৯ বজাত। একেদৰে কাৰ্যালয়ত কৰ্মচাৰীসকলে আবেলি ৫ বজাৰ পৰিৱৰ্তে কৰ্ম সম্পাদন কৰিব লাগিব আবেলি ৬ বজালৈকে।

অৰ্থাৎ চৰকাৰী কৰ্মচাৰীসকলে পূৰ্বৰ ৮ ঘণ্টাৰ পৰিৱৰ্তে এতিয়া কাৰ্যালয়ত থাকিব লাগিব ৯ ঘণ্টা। কৰ্মচাৰীসকলৰ কৰ্ম সময় এক ঘণ্টা বৃদ্ধি কৰিলেও এতিয়াৰপৰা কৰ্মচাৰীসকলে সপ্তাহত দুটাকৈ দিন কাৰ্যালয় বন্ধ পাব। সেই অনুসৰি সপ্তাহৰ প্ৰতিটো শনিবাৰ আৰু দেওবাৰে কৰ্মচাৰীসকলৰ কাৰ্যালয় বন্ধ থাকিব৷

উল্লেখ্য যে ৰাজ্য চৰকাৰৰ সাধাৰণ প্ৰশাসন বিভাগে এই সন্দৰ্ভত ইতিমধ্যে সম্পূৰ্ণ কৰিছে সকলো যাৱতীয় কাম-কাজ। কেৱল মাত্ৰ সোণোৱাল চৰকাৰৰ কেবিনেট গৃহীত হ’লে ১ জুলাইৰপৰা কাৰ্যকৰী হ'ব এই নতুন নিয়ম।

PratibimbaLive's picture
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।

Theme Colors

Please select the following colors to preview different color schemes of the theme.