মৈৰাবাৰীঃ মৰিগাঁও জিলাৰ নৈ কাষৰীয়া মৈৰাবাৰী আৰক্ষীৰ এটা অভিযানকাৰী দলে মৈৰাবাৰীৰ বজাৰৰ গাতে লাগি থকা কালি মন্দিৰৰ ওচৰতে থকা এখন ঘৰৰ পৰা ১৪৮৫০০ টকাসহ এজন ড্ৰাগছ সৰবৰাহকাৰীক কৰায়ত্ত কৰে। আৰক্ষীৰ অভিযানকাৰী দলটোৱে মহৰ আলীৰ ঘৰৰ পৰা নগত ১৪৮৫০০ টকাৰ লগতে ৩৩ টা ড্ৰাগছ ভৰ্তি কন্টেইনাৰসহ কৰায়ত্ব কৰে। এই ড্ৰাগছ ব্যৱসায়ীয়ে বহুদিন ধৰি নিজৰ ঘৰৰ পৰাই নিচাজাতীয় দ্ৰব্যৰ ৰমৰমীয়া বেহা চলাই আছিল৷
এই কুখ্যাত ড্ৰাগছ মাফিয়াটোয়ে বহুদিন ধৰি মৈৰাবাৰী আৰক্ষীৰ চকুত ধূলি দি চলাই গৈছিল ড্ৰাগছৰ ৰমৰমীয়া ব্যৱসায়। মৈৰাবাৰী থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকাৰ নেতৃত্বত যোৱা এটা অভিযানকাৰী দলে যোৱাকালি ৰাতি অনুমান ৮টা মান বজাত এক গোপন সুত্ৰৰ যোগেদি আভিযান চলাই এই ড্ৰাগছ ব্যৱসায়ীক আটক কৰে।
ড্ৰাগছ মাফিয়াটোয়ে মৰিগাঁও জিলাৰ নৈ কাষৰীয়া মৈৰাবাৰীৰ বিভিন্ন অঞ্চলত নিচাজাতীয় সামগ্ৰীৰ ব্যৱসায় কৰি থকা বুলি আৰক্ষী সুত্ৰত প্ৰকাশ পায়। নৱ প্ৰজন্মক মৃত্যুৰ মুখলৈ ঠেলি দিয়া এই ড্ৰাগছৰ বিৰুদ্ধে এই অভিযান অব্যাহত থাকিব বুলি মৈৰাবাৰী আৰক্ষীয়ে প্ৰকাশ কৰে। আটকাধীন অভিযুক্তকৰ বিৰুদ্ধে গোছৰ ৰুজু কৰি জিলা আদালতলৈ প্ৰেৰণ কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।