বকোঃ কামৰূপ জিলাৰ বকোৰ দিলিঙাত সংঘটিত হৈছে এক চাঞ্চল্যকৰ ঘটনা। দাৰে ঘপিয়াই আক্ৰমণ কৰিলে এজন লোকক। মহাদেৱ বড়ো নামৰ এজন লোকে দাৰে ঘপিয়াই আক্ৰমণ চলোৱাত গুৰুতৰভাৱে আহত হয় ভিংগৰাজ ডাকুৱা। জানিবপৰা মতে, কামৰূপ জিলাৰ বকো বালাপাৰা গাঁৱৰ ভিংগৰাজ ডাকুৱাই দিলিঙাৰ এটা মৃতকৰ পৰিয়ালত খবৰ লবলৈ যাওঁতে মহাদেৱ বড়োৰ সৈতে প্রথমে তর্কাতর্কিত লিপ্ত হয়।
তৰ্কাতৰ্কিৰ মাজতে খঙত অগ্নিশৰ্মা হৈ মহাদেৱ বড়োই ভিংগৰাজ ডাকুৱাক দাৰে মূৰত ঘপিয়াই আক্ৰমণ চলায়। লগে লগে দাৰ ঘাপত ভিংগৰাজ ডাকুৱা তেজেৰে লুতুৰি পুতুৰি হয়। লগে লগেই
স্থানীয় ৰাইজে বকো স্বাস্থ্যকেন্দ্ৰত ভৰ্ত্তি কৰাই আৰু উন্নত চিকিৎসাৰ বাবে GMCH লৈ প্ৰেৰণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।