ৰাইদঙীয়াত এলপিজি চিলিণ্ডাৰভৰ্তি ট্ৰাক দুৰ্ঘটনাগ্ৰস্ত

বটদ্ৰৱা: নগাঁও জিলাৰ জাজৰি থানাৰ অন্তৰ্গত ৰাইদঙীয়াৰ গৰৈমাৰীত আজি এক পথ দুৰ্ঘটনা সংঘটিত হয়৷ প্ৰাপ্ত খবৰ মতে কামৰূপ জিলাৰ মিৰ্জাৰ পৰা বৰদোৱা অভিমুখে আহি থকা এএছ-০১-ডিচি ৪৩৩৭ নম্বৰৰ এলপিজি চিলিণ্ডাৰভৰ্তি ট্ৰাকখন আজি পুৱা প্ৰায় চাৰে আঠ বজাত নিয়ন্ত্ৰণ হেৰুৱাই নগাঁও-ধিং সংযোগী গড়কাপ্তানী পথৰ গৰৈমাৰীৰ দলঙৰ সমীপত দ খাৱৈত সোমাই যায়৷

ফলত ট্ৰাকখনৰ চালকজন গুৰুতৰভাবে আহত হয়৷ পিছত স্থানীয় ৰাইজৰ সহযোগত জাজৰি আৰক্ষীয়ে আহত চালকজনক উদ্ধাৰ কৰি চিকিৎসাৰ ব্যৱস্থা কৰে৷ জানিব পৰা মতে বৰদোৱাৰ ইন্ধন গেছ এজেন্সিলৈ এলপিজি চিলিণ্ডাৰ কঢ়িয়াই আনিছিল দুৰ্ঘটনাগ্ৰস্ত ট্ৰাকখনে৷