বদৰপুৰঃ বদৰপুৰ আৰক্ষীৰ অভিযানত জব্দ বুজন পৰিমাণৰ বাৰ্মিজ চিগাৰেট। বুজন পৰিমাণৰ বার্মিজ চুপাৰিৰ পিছত এইবাৰ বার্মিজ চিগাৰেট জব্দ কৰিলে কৰিমগঞ্জ আৰক্ষীয়ে।
বদৰপুৰৰ ওচি দীপক শইকীয়াৰ নেতৃত্বত চলোৱা অভিযানত উদ্ধাৰ কৰা হয় এই বুজন পৰিমাণৰ বাৰ্মিজ চিগাৰেট। লগতে আটক দুইজন।
গোপন সূত্রৰ ভিত্তিত বদৰপুৰ আৰক্ষী থানাৰ অন্তৰ্গত বিভিসিএল চিমেন্ট কাৰখানাৰ সম্মুখৰ পৰা এটি অল্টো বোঝাই বার্মিজ চিগাৰেট জব্দ কৰে।
আটক হোৱা ব্যাক্তি দুইজনৰ নাম নজৰুল ইছলাম (২৯), আৰু তাজ উদ্দিন। তেওঁলোকৰ পৰা ২৫ কাৰ্টুন বার্মিজ চিগাৰেট জব্দ কৰা হয়।
যাৰ বজাৰ মূল্য আনুমানিক ১৫ লক্ষ টকা হ’ব বুলি বদৰপুৰ আৰক্ষী ফালৰ পৰা জনোৱা হৈছে। বৰ্তমানে বদৰপুৰ আৰক্ষীয়েই তেওঁলোকক সোধপোছ অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।