টীয়কঃ আজি পুৱা টীয়কৰ গায়ন গাঁৱৰ ৰুমী বৰা নামৰ এগৰাকী ৩৫ বছৰীয়া বিবাহিতা মহিলাৰ মৃতদেহ উদ্ধাৰ হয়। উল্লেখযোগ্য যে ঘৰৰ ওচৰৰে এটি পুখুৰীত মৃতদেহটো ওপঙি থকা অৱস্থাত প্ৰত্যক্ষ কৰে আত্মীয়ই।
উক্ত ঘটনাই সমগ্ৰ টীয়কতে সৃষ্টি কৰিছে ব্যাপক চাঞ্চল্য। উল্লেখযোগ্য যে জগদুৱাৰ গায়ন গাঁও অঞ্চলৰ প্ৰদীপ বৰাৰ পত্নী ৰুমী বৰাৰ সৈতে কাষৰীয়া পৰিয়াল এটাই কাজিয়াত লিপ্ত হোৱাৰ লগতে হাঁহ চোৰ ধৰি ৰুমী বৰাক গালি-গালাজ পাৰি আৰক্ষীৰ কাষ চপাৰ ভাবুকি দিয়াৰ এক গুৰুতৰ অভিযোগ উত্থাপন কৰিছে পৰিয়ালৰ লোকে।
এই সমূহ কাৰণৰ বাবেই আত্মহত্যাৰ সন্দেহ কৰিছে সকলোৱে। সমগ্র ঘটনা সন্দৰ্ভত টীয়ক আৰক্ষীয়ে তদন্ত প্ৰক্ৰিয়া অব্যাহত ৰাখিছে। সকলো তথ্য আৰক্ষীৰ তদন্তৰ পিছতহে পোহৰলৈ আহিব।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।