নলবাৰীঃ আজি নলবাৰীৰ পয়লাত 'নলবাৰী জিলা ব্ৰাহ্মণ মহাসভা'ৰ কাৰ্যালয়ৰ শুভ উদ্বোধন কৰে বিশিষ্ট জ্যোতিষী, অৱসৰী শিক্ষক দিপক ৰঞ্জন বৰদলৈয়ে। শংখ, ঘণ্টা বৰকাহ, তাল, আয়তীৰ উৰুলি আৰু বেদ ধ্বনিৰে সমুহ ৰাইজৰ উপস্থিতিত কাৰ্যালয়টো উদ্বোধন কৰে।
অনুষ্ঠানটোত বিশিষ্ট অতিথি ৰূপে অংশগ্ৰহণ কৰে দেৱীৰাম উচ্চতৰ মাধ্যমিক বিদ্যালয়ৰ সহকাৰী শিক্ষক প্ৰকাশ শৰ্মা আৰু অৱসৰী শিক্ষক বৰমাৰ অমূল্য শৰ্মা।
নলবাৰী জিলা সমিতিৰ সভাপতি পংকজ প্ৰতিম শৰ্মাই সভাপতিত্ব কৰা এই সভাখনত নলবাৰী জিলাৰ চাৰিখন আঞ্চলিক সমিতিৰ বিভিন্নজন কৰ্মকৰ্তা উপস্থিত থাকে। সভাখনৰ আঁত ধৰাৰ উপৰিও শলাগৰ শৰাই আগবঢ়ায় জিলা সমিতিৰ সাঃসম্পাদক জিন্টু মনি শৰ্মাই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।