কৰিমগঞ্জঃ কৰিমগঞ্জত সীমা সুৰক্ষা বাহিনীয়ে জব্দ কৰিলে বুজন পৰিমাণৰ ড্ৰাগছ| অভিযানত জব্দ হয় ২০ হাজাৰ ইয়াবা টেবলেট, যাৰ বজাৰ মূল্য ৭০ লক্ষ টকাৰ অধিক| গোপন সুত্ৰৰ পমখেদি BSFৰ চোৰাংচোৱা বিভাগৰ কৰ্মীয়ে কৰিমগঞ্জ চহৰৰ নিলগৰ মুবাৰকপুৰত এখন ছুইফট ডিজায়াৰ গাড়ী ৰখাই অভিযান চলায়| তালাচি অভিযানত ওলাই পৰে কেবাটাও পেকেটত থকা এই বুজন পৰিমান নিষিদ্ধ টেবলেটখিনি|
অভিযানত আটক ইকবাল হুছেইন আৰু গনি নামৰ দুগৰাকী ড্ৰাগছ সৰবৰাহকাৰী। দুগৰাকীয়ে গুৱাহাটীৰ পৰা AS01LC-8269 নম্বৰৰ ছুইফট ডিজায়াৰ গাড়ী লৈ কৰিমগঞ্জত আহিছিল| আটকাধীন ইকবাল হুছেইনৰ ঘৰ বৰপেটাত বুলি জনাইছে| জব্দকৃত টেবলেট, গাড়ি আৰু আটকাধীন সকলক BSF য়ে আৰক্ষীৰ হাতত গতাই দিয়ে|
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।