লক্ষীপুৰঃ গোৱালপাৰা জিলাৰ বগুৱান আৰক্ষী থানাৰ অন্তৰ্গত নলংগাৰ থেপকাইত এজন যুৱকৰ মৃতদেহ উদ্ধাৰক লৈ উত্তপ্ত পৰিস্থিতি৷
মিৰাজুল হক ভূঞা নামৰ যুৱকজনক প্ৰেমিকাৰ আত্মীয়ই হত্যা কৰি পুখুৰীত পেলাই থোৱাৰ অভিযোগ৷ যোৱাকালি সন্ধিয়া যুৱকজনৰ মৃতদেহ পুখুৰীৰ পৰা উদ্ধাৰ হোৱাৰ পিছতে উত্তেজিত হৈ পৰে স্থানীয় ৰাইজ।
প্ৰেমিকাৰ ঘৰৰ লগতে আন দুই আত্মীয়ৰ ঘৰত অগ্নি সংযোগ কৰিলে উত্তেজিত ৰাইজে। শুকুৰবাৰে নিশা প্ৰেমিকাই ফোন কৰি মাতি লৈ যোৱাৰ পিছৰে পৰা নিৰুদ্দেশ হৈ আছিল প্ৰেমিক মিৰাজুল হক ভূঞা।
মিৰাজুল হকৰ ঘৰ জয়পুৰত। এতিয়াও উত্তেজনা অব্যাহত আছে। গোৱালপাৰাৰ জিলাৰ আৰক্ষী অধীক্ষক, অতিৰিক্ত আৰক্ষী অধীক্ষক, ঘটনাস্থলীত উপস্থিত। ঘটনা সন্দৰ্ভত ৭ জনক আটক।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।