বিহালীঃ অসম চাহজদুৰ সংঘৰ ধুলী ইউনিৰ উদ্যোগত আৰু বিশ্বনাথ শাখাৰ সহযোগত ধুলী চাহ-বাগিছাৰ খেলপথাৰত এক প্ৰাইজমানি ফুটবল প্ৰতিযোগিতাৰ শুভাৰম্ভ কৰে। অসম চাহ মজদুৰ সংঘৰ ধুলী ইউনিটৰ সভাপতিজনক বাগে আঁতধৰা অনুষ্ঠানটোৰ দুৱাৰ মুকলি কৰে অসম চাহ মজদুৰ সংঘৰ বিশ্বনাথ চাৰ্কোলৰ সম্পাদক নগেন গোৱালা আৰু ধুলী চাহ-বাগিছাৰ মুখ্য পৰিচালক সুভাশীষ ক'ৰে।
তেজালপটি চাহ-বাগিছা ফুটবল দল আৰু ধুলী দিৰিং নোৱাখাই ফুটবল দলৰ মাজত অনুষ্ঠিত হোৱা প্ৰাইজমানি ফুটবল প্ৰতিযোগিতাত তেজালপটি চাহবাগিচা ফুটবল দলে ধুলী দিৰিং নোৱাখাই ফুটবল দলক এক গ'লৰ ব্যৱধানত পৰাজিত কৰি বিজয়ী হয়।
উল্লেখযোগ্য যে উক্ত ফুটবল প্ৰতিযোগিতাখনৰ অহা ৩ অক্টোবৰ তাৰিখে চুড়ান্ত খেল অনুষ্ঠিত হব। প্ৰথম বিজয়ী দলক নগদ ত্ৰিশ হাজাৰ টকা আৰু দ্বিতীয় বিজয়ী দলক নগদ বিশ হাজাৰ টকাৰে পুৰস্কৃত কৰা হব বুলি জানিবলৈ দিছে অসম চাহ মজদুৰ সংঘৰ বিশ্বনাথ চাৰ্কোলৰ সম্পাদক নগেন গোৱালাই।
ইফালে ফুটবল প্ৰতিযোগিতাখনিত ধুলীৰ চিকিৎসক অৰ্জুণ ভট্টাচাৰ্য, ধুলী গাঁও পঞ্চায়তৰ আঞ্চলিক সদস্যা গীতা বাগ, যুৱ সাংবাদিক আব্দুল বাৰেক, প্ৰাক্তন জিলা পৰিষদৰ সদস্য ৰামপ্ৰসাদ বাগ, ধুলী গাঁও পঞ্চায়তৰ সভাপতি হেমন্ত নাগ, বালিচাং আৰক্ষী চকীৰ ভাৰপ্ৰাপ্ত আৰক্ষী বিষয়া আব্বাছ আলিকে ধৰি বহু গণ্যমান্য ব্যক্তিয়ে অংশগ্ৰহণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।