বটদ্ৰৱাঃ নগাঁও জিলাৰ বটদ্ৰৱা আৰক্ষী থানাৰ অন্তৰ্গত বিভিন্ন প্ৰান্তত আৰক্ষীৰ চকুত ধূলি দি দীৰ্ঘদিনে তীৰ খেলৰ বেহা চলাই অহা কুখ্যাত তীৰ মাফিয়া হাফিজ উদ্দিনক যোৱাকালি নিশাৰ ভাগত বটদ্ৰৱা আৰক্ষীয়ে আটক কৰিবলৈ সক্ষম হয়। ধৃত হাফিজ উদ্দিনে গ্ৰাম্যাঞ্চল সমূহত এজেণ্ট নিয়োগ কৰি তীৰৰ এই বেহা চলাই আহিছিল।
যাৰ ফলত এই তীৰ-জুৱা খেলৰ প্ৰতি আকৰ্ষিত হৈ বিগত দিনত বৃহত্তৰ অঞ্চলটোৰ হাজাৰ হাজাৰ পৰিয়াল সৰ্বস্বান্ত হৈ পৰিছিল। বটদ্ৰৱা আৰক্ষী থানাৰ ভাৰপ্ৰাপ্ত বিষয়াৰ নেতৃত্বত এক গোপন খবৰৰ ভিত্তিত যোৱা নিশা কুখ্যাত তীৰ মাফিয়া হাফিজ উদ্দিন আৰু তেওঁৰ সহযোগী নাচিৰ উদ্দিনক আটক কৰি আজি জেল হাজোতলৈ প্ৰেৰণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।