জামুগুৰিহাটঃ চতিয়াত আজি মন্ত্ৰী অজন্তা নেওগ উপস্থিত হয়৷ চতিয়াৰ ৩ নং গাঁও পঞ্চায়তৰ কাৰ্যালয়ত উপস্থিত হৈ মন্ত্ৰীগৰাকীয়ে চতিয়াৰ জ্যেষ্ঠ নাগৰিক সন্থাৰ বিষয়ববীয়াৰ সৈতে আলাপ আলোচনা কৰাৰ লগতে সমাজ কল্যাণ বিভাগৰ বিষয়া কৰ্মচাৰীৰ লগত মিলিত হয়৷ চতিয়াৰ ৩ নং গাঁও পঞ্চায়তৰ সভাপতি প্ৰমুখ্যে সদস্য-সদস্যাৰ লগত এক বৈঠকত মিলিত হৈ সমাজ কল্যাণ বিভাগত পূৰ্বৰ সকলো দুৰ্নীতিৰ বিৰুদ্ধে সংস্কাৰমুখী পৰিবৰ্তন হোৱাৰ পৰিকল্পনাৰ কথা ব্যক্ত কৰে মন্ত্ৰীগৰাকীয়ে৷ চতিয়াৰ ৩ নং গাঁওখন পঞ্চায়তৰ কাৰ্যালয়ত এঘণ্টাজোৰা কাৰ্যসূচী সামৰি মন্ত্ৰী গৰাকী ৰাওনা হয় বিশ্বনাথ অভিমুখে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।