মাৰ্ঘেৰিটাঃ আজি তিনিচুকীয়া জিলাৰ মাৰ্ঘেৰিটা মহকুমাৰ অন্তৰ্গত লিডু শামুকজান সামূহিক প্ৰেক্ষগৃহত অসংগঠিত শ্ৰমিকৰ সজাগতা সভা আৰু ই-শ্ৰম পঞ্জীকৰণ শিবিৰ কেন্দ্ৰীয় মন্ত্ৰী ৰামেশ্বৰ তেলীয়ে মুকলি কৰে। আজিৰ এই শিবিৰত শতাধিক শ্ৰমিকৰ ই-শ্ৰম পঞ্জীয়ণ কৰাৰ লগতে দহজনকৈ অসংগঠিত শ্ৰমিকক ই-শ্ৰম কাৰ্ড বিতৰণ কৰা হয়।
ই-শ্ৰম কাৰ্ডৰ বাবে আবেদন কৰিবলৈ হ’লে আধাৰ কাৰ্ড, বেংকৰ পাছ বুকৰ লগতে ফোন নং দি ৰেজিষ্ট্ৰেচন কৰিব লাগিব। আৰু ই-শ্ৰম কাৰ্ডৰ পঞ্জীয়ণৰ সুবিধা সকলো অৰুণোদয় কেন্দ্ৰ আৰু CSC চেণ্টাৰত বিনামূলীয়াকৈ প্ৰদান কৰা হব বুলি উল্লেখ কৰে মন্ত্ৰী ৰামেশ্বৰ তেলীয়ে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।