জামুগুৰিহাটঃ অসম আৰক্ষী দিৱস উপলক্ষে আজি পুৱা পাঁচ বজাত জামুগুৰিহাটৰ কুসুমটোলাস্থিত দ্বাদশ অসম আৰক্ষী বাহিনীৰ উদ্যোগত পুৰুষ আৰু মহিলা উভয় শাখাত আয়োজন কৰা হাফ মাৰাথন প্ৰতিযোগিতাত দুই শতাধিক প্ৰতিযোগিয়ে অংশগ্ৰহণ কৰে।
দ্বাদশ অসম আৰক্ষীৰ বাহিনীৰ মুখ্য কাৰ্যালয়ৰ সন্মুখৰ পৰা চতিয়াৰ গেৰেকী হৈ পুনৰ দ্বাদশ অসম আৰক্ষীৰ মুখ্য কাৰ্য্যালয়ত সামৰণি পৰা এই হাফ মাৰথান প্ৰতিযোগিতাখনি পতাকা জোকাৰি শুভাৰম্ভ কৰে তেজপুৰ চিকিৎসা মহাবিদ্যালয়ৰ অধ্যক্ষ মাধৱ ৰাজবংশীয়ে। প্ৰতিযোগিতাখনিৰ শুভাৰম্ভ অনুষ্ঠানত দ্বাদশ অসম আৰক্ষী বাহিনীৰ অধিনায়ক প্ৰণৱজ্যেতি গোস্বামীও উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।