নলবাৰীঃ নলবাৰীৰ কমাৰকুছি উচ্চ মাধ্যমিক বিদ্যালয়ত অনুষ্ঠিত হোৱা মুকলি অধিৱেশনত বৰভাগ জ্যোতি আৰু জীৱন পঞ্জী নামৰ দুখন গ্ৰন্থ উন্মোচন কৰা হয়। উন্মোচন কৰে বিশিষ্ট ঔপন্যাসিকা অঞ্জলিকা চক্ৰবৰ্তী আৰু বিশিষ্ট উদ্যোগপতি দ্বিপেন বৰুৱাই।
বৰভাগ জ্যেষ্ঠ নাগৰিক মঞ্চৰ সভাপতি দ্বিজেন কাকতিৰ সভাপতিত্বত অনুষ্ঠিত হোৱা মুকলি অধিৱেনত মুখ্য অতিথি হিচাপে উপস্থিত থাকে গুৱাহাটী বিশ্ববিদ্যালয়ৰ প্ৰাক্তন উপাচাৰ্য্য তথা সু-সাহিত্যিক ড০ অমৰজ্যোতি চৌধুৰী লগতে বিশিষ্ট অতিথি হিচাপে গুৱাহাটী লোকসভা সমষ্টিৰ সাংসদ কুইন ওজা, নলবাৰী জিলাৰ উপযুক্ত গীতিমণি ফুকন, প্ৰাক্তন বিধায়ক নাৰায়ন ডেকা, প্ৰাক্তন সঞ্চালক অনন্ত কলিতাৰ লগতে বিশিষ্ট জ্যেষ্ঠ লোকসকল উপস্থিত থাকে।
উল্লেখযোগ্য যে ৰাতিপুৱাৰ ভাগত পতাকা উত্তোলন ,স্মৃতি তৰ্পন আৰু বিশিষ্ট শিক্ষাবিদ প্ৰয়াত ড০ ভগৱান চন্দ্ৰ লহকৰৰ প্ৰতিচ্ছবিত মাল্যাৰ্পণ কৰাৰ লগতে ৮ জন জ্যেষ্ঠ নাগৰিকক সম্বৰ্ধনা জ্ঞাপন কৰা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।