বটদ্ৰৱাঃ নগাঁও-ধিং সংযোগী গড়কাপ্তানি পথৰ গৰৈমাৰীত নিশা সংঘটিত হৈছে ভয়ংকৰ পথ দুৰ্ঘটনা। নগাঁৱৰ পৰা ধিঙৰ দিশে আহি থকা অৱস্থাত এখন মিনি ট্ৰাক গৰৈমাৰী গড়কাপ্তানি পথৰ এটা পুখুৰীত বাগৰি পৰিছিল। দুৰ্ঘটনাৰ খৱৰ পাই জাজৰি আৰক্ষী ঘটনাস্থলীত উপস্থিত হৈ ট্ৰাকখন উদ্ধাৰ কৰি নিশাই থানালৈ লৈ যায়।
কিন্তু আজি পুৱা প্ৰাতঃভ্ৰমনত অহা লোকে উক্ত দুৰ্ঘটনা সংঘটিত হোৱা স্থানত পুখুৰীৰ মেটেকাৰ তলত এটা মৃতদেহ প্ৰত্যক্ষ কৰে। মৃতদেহটো দুৰ্ঘটনাগ্ৰস্ত হোৱা ট্ৰাকখনৰ লোক বুলি সন্দেহ কৰিছে স্থানীয়লোকে। ঘটনাস্থলীত জাজৰি আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰভাৱে নগাঁৱলৈ প্রেৰণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।