বদৰপুৰঃ কৰিমগঞ্জত চোৰাং গৰু সৰবৰাহ চক্ৰৰ তিনিজন সদস্যসহ আৰক্ষীৰ হাতত আটক হৈছে হাওয়ালা'ৰ সৈতে জৰিত এজন লোক। পাথাৰকান্দি আৰক্ষী থানাৰ অন্তৰ্গত ভাৰত বাংলাদেশ সীমান্তবৰ্তী কটাৰগুল গাঁৱৰ পৰা আব্দুল ৰৌফ, বিলাল উদ্দিন আৰু ৰেহান উদ্দিন নামৰ তিনিজন চোৰাং গৰু সৰবৰাহকাৰী আটক কৰা হৈছে। আৰু এওঁলোকৰ স্বীকাৰোক্তিৰ ভিত্তিত কৰিমগঞ্জ চহৰৰ পৰা ভাষান পাল নামৰ এজন ব্যক্তিক আৰক্ষীয়ে আটক কৰে।
আৰু ভাষান পাল হৈছে হাওয়ালা'ৰ সৈতে জৰিত। উল্লেখযোগ্য যে, কৰিমগঞ্জৰ ভাৰত বাংলাদেশ সীমান্তবৰ্তী গাঁওসমূহত এফালে চোৰৰ সন্ত্ৰাস অব্যাহত আছে, আনফালে অব্যাহত আছে চোৰাং গৰুৰ সৰবৰাহ। বিভিন্ন সময়ত বাংলাদেশৰ পৰা কাইটিয়া তাৰৰ বেৰ কাটি ভাৰতীয় গাঁৱওত প্ৰৱেশ কৰি বাংলাদেশী চোৰে তাণ্ডব চলোৱাৰ অভিযোগ দীৰ্ঘদিনৰ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।