অভয়াপুৰীঃ আজি মহাষষ্ঠী। আজিৰ পৰা আনুষ্ঠানিকভাৱে আৰম্ভ হ'ব দেবী দুৰ্গাৰ আৰাধনা। লেংটিছিঙাৰ দালানভাঙ্গা সাৰ্বজনীন শ্ৰী শ্ৰী দুৰ্গা পূজা উদযাপন সমিতিৰ উদ্যোগত আৰম্ভ হ'ল সোণালী জয়ন্তী বৰ্ষ। সোণালী জয়ন্তী বৰ্ষ উপলক্ষে লেংটিছিঙাত এক উদুলি মুদুলি পৰিৱেশ। এই পূজাখনৰ লগত বিগত ৫০ বছৰে জড়িত বহু লোক পৰিয়ালসহ উপস্থিত হৈছে। সকলোৱে পুৰণি স্মৃতি ৰোমন্থন কৰিছে। মুঠতে এক নষ্টালজিক পৰিৱেশ। অৱশ্যে এইবাৰ দুৰ্গা পূজা ব্যতিক্ৰমী ৰূপত অনুষ্ঠিত হ'ব। কভিড প্ৰটকলৰ মাজেৰে দেবী দুৰ্গাক আৰাধনা কৰিবলৈ সাজু বঙাইগাঁও জিলাৰ লেংটিছিঙাবাসী। আজি উত্তৰ শালমাৰাৰ মহকুমাধিপতি নিতুমনি দাসে পতাকা উত্তোলনেৰে সোণালী জয়ন্তী বৰ্ষৰ শুভাৰম্ভ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।