জামুগুৰিহাটঃ গো সুৰক্ষা আইনক লৈ চৰকাৰ কঠোৰ হোৱাৰ বিপৰীতে গ্ৰামাঞ্চলত বৃদ্ধি পাইছে গৰু চোৰ চক্ৰ৷ প্ৰতি নিশাই ইখনৰ পাচত সিখন গাঁৱৰ পৰা গৰু চোৰ হৈ আছে জামুগুৰিহাটত৷ গঞাঁ ৰাইজৰ নিদ্ৰা হৰণ কৰিছে গৰু চোৰে৷ এই দৃশ্য জামুগুৰিহাটৰ টৌভঙাত৷ এটা গৰু চোৰক হাতে-লোটে ধৰি ৰছীৰে বান্ধিলৈ উত্তম মাধ্যম সোধাইছে স্থানীয় গাঁওবাসীয়ে৷ চোৰটোৱে গৰু চুৰি কৰি নি থকা অৱস্থাতে টৌভঙাৰ জীয়া ভৰলী দলঙৰ উত্তৰ পাৰে গৰুসহ হাতে-লোটে ধৰে স্থানীয় ৰাইজে৷ পাচত সঞ্জয় চটনামী নামৰ চোৰটোক স্থানীয় ৰাইজে জামুগুৰি আৰক্ষীক গটাই দিয়ে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।