শালবাৰীঃ ভৱানীপুৰ বিধানসভা সমষ্টিৰ নিৰ্বাচনৰ দিন চমু চাপি অহাৰ লগে লগেই বিভিন্ন ৰাজনৈতিক দলসমূহৰ মাজত তৎপৰতা বৃদ্ধি পোৱা পৰিলক্ষিত হৈছে। একেদৰে কংগ্ৰেছ দলৰ মাজতো নিৰ্বাচনী বতাহ তীব্র গতিৰে বলা দেখা গৈছে।
সেইমৰ্মে আজি শালবাৰীৰ গতিত কংগ্ৰেছ দলৰ এখনি বিশাল নিৰ্বাচনী সভা অনুষ্ঠিত হৈ যায়। ভৱানীপুৰ বিধানসভা সমষ্টিৰ কংগ্ৰেছ দলৰ প্ৰাৰ্থী শৈলেন্দ্র নাথ দাসৰ হৈ আজি শালবাৰীৰ গাতিৰ নিৰ্বাচনী সভাত দলৰ ৰাজ্যিক সভাপতি ভূপেন বৰাই অংশগ্রহণ কৰি নিৰ্বাচনী প্ৰচাৰ চলায়।
ৰাজ্যিক সভাপতি ভূপেন বৰাই সংবাদ মাধ্যমৰ আগত কয়, ভৱানীপুৰ ৰাইজৰ স্বাভিমানক জলাঞ্জলি দি পেলাই পূৰ্বৰ চৰকাৰৰ দিনত এজন অপৰাধী বুলি চিহ্নিত লোকক টিকট দি দলৰ মৰ্যাদা নষ্ট কৰাৰ উপৰিও ভৱানীপুৰবাসী ৰাইজৰ স্বাভিমানক জলাঞ্জলিত দিছে। আজি ইমান বৰষুণৰ মাজতো ৰাইজ স্বতস্ফূর্তভাবে ওলাই আহি আমাক প্ৰমাণ কৰি দিছে যে আগন্তুক উপ নিৰ্বাচনত আামাৰ কংগ্ৰেছ দলৰ প্ৰাৰ্থী শৈলেন্দ্র নাথ দাসৰ ভোট প্ৰদান কৰি নিশ্চিতভাবে জয়যুক্ত কৰিব।
সভাত ভৱানীপুৰ বিধানসভা সমষ্টিৰ কংগ্ৰেছ দলৰ প্ৰাৰ্থী শৈলেন্দ্র নাথ দাসে সংবাদ মাধ্যমৰ আগত কয়, ইমান বৰষুণৰ মাজতো ৰাইজে ওলাই অহাটোৱে মোক জয়যুক্ত কৰাৰ ইংগিত প্ৰদান কৰিছে। কংগ্ৰেছ দলৰ শীর্ষ নেতা ভূপেন দৈমাৰীয়ে সভাপতিত্ব কৰা নিৰ্বাচনী সভাত বিৰোধী দলৰ দলপতি দেবব্ৰত শইকীয়া, সৰভোগ সমষ্টিৰ বিধায়ক মনোৰঞ্জন তালুকদাৰকে আদি কৰি কেইবাগৰাকী দলীয় নেতাই অংশগ্রহণ কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।