জামুগুৰিহাটঃ শোণিতপুৰ জিলাৰ চতিয়া সমষ্টিৰ অন্তৰ্গত জামুগুৰিহাটৰ ধলাইবিলত আজি অসম দৰ্পণ আঁচনিৰ অধিনত দেৱাল নিৰ্মানৰ আধাৰশিলা স্থাপন কৰে বিধায়ক পদ্ম হাজৰিকাই৷ ৭০ বছৰ গৰকা শ্ৰীমন্ত শংকৰদেৱ সেৱাশ্ৰমৰ পকী দেৱাল নিৰ্মাণ কাৰ্যৰ আধাৰশিলা স্থাপন কৰি বিধায়ক পদ্ম হাজৰিকাই নিৰ্মান কাৰ্য্য তীব্ৰ গতিত সম্পন্ন কৰিবলৈ আহ্বান জনায়৷
সৰ্বমুঠ আঢ়ৈ লাখ টকা আৱন্টন দিয়াৰ বাবে সেৱা আশ্ৰমৰ হৈ বিধায়ক পদ্ম হাজৰিকাক শলাগ লৈ তেওঁৰ দীৰ্ঘায়ু কামনা কৰাৰ লগতে শ্ৰীমন্ত শংকৰদেৱ সংঘ, শ্ৰীমন্ত নামধৰ্ম সমাজ, বৈদ্বিক সমাজৰ লগতে বিভিন্ন অনুষ্ঠানৰ জৰিয়তে এক সমন্বয় আৰু ভাতৃত্ববোধ সৃষ্টি হৈছে।
এই অঞ্চলৰ ৰাইজ ধৰ্মীয় পৰম্পৰাগত ৰীতি-নীতিৰে আগবঢ়াত সহায়ক হ’ব বুলি মন্তৱ্য কৰে সভাপতি বুবুল বৰা আৰু সম্পাদক প্ৰাঞ্জল কলিতাই৷ আঁচনিৰ আধাৰশিলা অনুষ্ঠানৰ কাৰ্যসূচীত আশ্ৰমৰ জষ্ঠ ব্যক্তিসকল অংশগ্ৰহণ কৰে ৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।