গোলাঘাটঃ বৃহত্তৰ মৰঙী মৌজাৰ ঢলাগাঁও পথাৰৰ মাজত বিদ্যুৎস্পৃষ্ট হৈ এজনী প্ৰাপ্তবয়স্ক মাইকী হাতীৰ মৃত্যু। নিতৌ খাদ্যৰ সন্ধানত ঢলাগাঁও, খাটচুক, মিৰিপথাৰ, আদি অঞ্চলত বিচৰণ কৰি আহিছিল প্ৰায় ৭০-৮০ জনীয়া এটা বৃহৎ বন্যহস্তীৰ জাকে। অইন দিনাৰ দৰে হাতীৰ জাকটো যোৱা নিশাও খাদ্যৰ সন্ধানত খেতিপথাৰলৈ ওলাই আহিছিল।
কিন্ত বিদ্যুৎ বিভাগৰ চৰম গাফিলতিৰ বাবেই এজনী মাইকী হাতীয়ে কৰুণ মৃত্যুক সাৱতিবলগা হ'ল ৰাইজে দাবী উত্থাপন কৰিছে। আৰু অতি পৰিতাপৰ বিয়য় যে বাতৰি সংগ্ৰহ কৰা পৰ্যন্ত ঘটনাস্থলীত উপস্থিত হোৱা নাই বন বিভাগৰ লোক। আৰু বৰ্তমানেও হাতীৰ বৃহৎ জাকে অৱস্থান কৰি আছে কাষৰে এখন চাহ-বাগিচাত।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।