শালবাৰীঃ বৰপেটাৰোড আৰু সৰুপেটা ৰে’ল ষ্টেচনৰ মাজৰ ৰে’লআলিত উদ্ধাৰ যুৱকজনৰ ক্ষত বিক্ষত মৃতদেহ। যুৱকজন বাক্সা জিলাৰ খাৰিজা বিজনী মৌজাৰ বাৰাপেটা গাঁৱৰ আলি আকবৰ শ্বেখৰ পুত্ৰ বিলাত শ্বেষ(৪০) বুলি চিনাক্ত কৰা হৈছে। যুৱকজনক মৃহদেহ উদ্ধাৰৰ পিছতে পৰিয়ালটোৰ মাজত সৃষ্টি হয় হাহাকাৰ। যুৱকজনে আত্মহত্যা কৰাৰ সন্দেহ পৰিয়ালৰ।
কিন্তু কি কাৰনত যুৱকজনে এনে চৰম সিদ্ধান্ত গ্ৰহণ কৰিছে সেয়া জানিব পৰা হোৱা নাই। উল্লেখ্য যে ঘটনাস্থলীত ৰে’ল আৰক্ষী উপস্থিত হৈ মৃতদেহটো ৰে’ল উদ্ধাৰ কৰি বৰপেটাস্থিত ফকৰউদ্দিন আলী আহমেদ সিচিৎসা মহাবিদ্যালয়লৈ মৰণোত্তৰ পৰীক্ষাৰ বাবে প্ৰেৰণ কৰে। মৃত ব্যক্তিজনে তেখেতৰ পৰিয়ালত পত্নী, দুগৰাকী পুত্ৰ আৰু এজনী কন্যা সন্তানক এই সংসাৰত এৰি থৈ যায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।