জামুগুৰিহাটঃ জামুগুৰিহাটত সংঘটিত হৈছে এক চুৰি কাণ্ড। জামুগুৰিহাটৰ বাঁহবৰীয়াসত্ৰ নিৱাসী তথা দিকৰাই উচ্চতৰ মাধ্যমিক বিদ্যালয়ৰ বিষয় শিক্ষক বিপুল বৰাৰ ঘৰত কোনো নথকাৰ সুযোগ গ্ৰহণ কৰি কৰি নিশা চোৰে চলাই লুটপাত। নিজ পুত্ৰৰ অধ্যয়নৰ বাবে ইতিমধ্যেই তেজপুৰত থকা পুত্ৰ আৰু পত্নীৰ কাষলৈ কালি নিশা থকাকৈ বিষয় শিক্ষক বিপুল বৰা যোৱাৰ সুযোগ গ্ৰহণ কৰি চোৰে তেখেতৰ বাসগৃহৰ লোহাৰ গেটত লগোৱা তলা ভাঙি প্ৰবেশ কৰে আৰু আলমিৰাৰ ল'ক খুলি নগদ ধনৰ লগতে প্ৰায় দুই তোলা সোণৰ অলংকাৰ চুৰি কৰি নিয়ে। আজি দিনৰ ভাগত গাঁৱৰে এগৰাকী যুৱকে এই ঘটনা প্ৰত্যক্ষ কৰি গৃহস্থক ফোন যোগে জনোৱাত সমগ্ৰ চুৰিকাণ্ডৰ ঘটনা পোহৰলৈ আহে। এই চুৰিকাণ্ডৰ সন্দৰ্ভত জামুগুৰি আৰক্ষী থানাত দাখিল কৰা এজাহাৰৰ ভিত্তিত আৰক্ষীয়ে ইতিমধ্যে ব্যাপক তদন্ত অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।