মুছলপুৰঃ বাক্সা জিলাৰ বৰবৰী থানাৰ অন্তৰ্গত অদলাত স্বামীৰ দা ৰ ঘাপত পত্নী গুৰুতৰভাৱে আহত হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে৷ জানিব পৰা মতে দুপৰীয়া স্বামী সমীন বড়োৱে তেওঁৰ পত্নীক ঘৰত কাম কৰি থকা অৱস্থাত দা ৰে উপৰ্যুপৰি আক্ৰমণ কৰে ৷ স্বামীৰ দাৰ ঘাপত পত্নীয়ে চিঞৰি চিঞৰি মাটিত বাগৰি পৰে৷
দেহৰ কেইবা ঠাইত দা ৰ ঘাপ পৰা পত্নীক পিচত সংকটজনক অৱস্থাত স্থানীয়লোকে মুছলপুৰ অসামৰিক চিকিৎসালয়ত ভৰ্তি কৰে৷ স্বামী সমীন বড়োৱে পত্নীক কিয় আক্ৰমণ কৰিলে সেই বিষয়ে এতিয়ালৈ মুখ খোলা নাই যদিও পাৰিবাৰিক অশান্তিৰ বাবে এই আক্ৰমণ হোৱা বুলি ৰাইজে সন্দেহ প্ৰকাশ কৰিছে৷ ইতিমধ্যে পত্নী আক্ৰমণকাৰী সমীন বড়োক বৰবৰী আৰক্ষীয়ে আটক কৰি সোধপোচ অব্যাহত ৰাখিছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।