জামুগুৰিহাটঃ জামুগুৰি আৰক্ষী থানাৰ অন্তৰ্গত বালিজুৰিৰ ধুবিখোলাত এজন ব্যক্তিক গাড়ীৰে খুন্দিয়াই গুৰুতৰভাৱে আহত কৰি গাড়ীৰ চালক হেণ্ডিমেন পলাই যোৱা ঘটনাই চাঞ্চল্যৰ সৃষ্টি কৰিছে৷ বৃহস্পতিবাৰে ধুবিখোলাৰ পথৰ দাঁতিত AS 32C 0542 নম্বৰৰ এখন মেজিক গাড়ীয়ে চৌহন ৰৌতিয়া আৰু তেওঁৰ কন্যাক চাইকেল লৈ আহি থকা অৱস্থাত সন্মুখৰ পৰা খুন্দিয়াই সংকটজনক অৱস্থাত ঘটনাস্থলীতে গাড়ী এৰি পলায়ন কৰে চালক হেণ্ডিমেনে৷
পিচত পৰিয়ালৰ লোকে আহত দুয়োকে তেজপুৰ চিকিৎসা মহাবিদ্যালয়ত ভৰ্তি কৰাৰ লগতে জামুগুৰি আৰক্ষী থানাত ঘটনা সন্দৰ্ভত এখন এজাহাৰ দাখিল কৰে৷ এই মূহুৰ্তলৈকে জামুগুৰি আৰক্ষীয়ে দুৰ্ঘটনা সংঘটিত কৰা গাড়ীৰ চালক হেণ্ডিমেনক আটক নকৰা বিষয়টোকলৈ ক্ষুন্ন হৈ পৰিছে পৰিয়ালৰ লোক৷ দিন হাজিৰা কৰি পৰিয়াল পোহপাল দি থকা অতি দৰিদ্ৰ পৰিয়ালৰ চৌহান ৰৌতিয়া আৰু তেওঁৰ কন্যাক আৰ্থিক সহায় আগবঢ়াই চিকিৎসাৰ সু-ব্যৱস্থা কৰিবলৈ দুৰ্ঘটনা সংঘটিত কৰা গাড়ীৰ গৰাকীক দাবী জনাইছে স্থানীয় ৰাইজে৷ ইতিমধ্যে পৰিয়ালৰলোকে গৰু ছাগলী বিক্ৰী কৰি চৌহান ৰৌতিয়াক চিকিৎসা কৰি থকা বিষয়ে জানিব পৰা গৈছে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।