শালবাৰীঃ যোৱা নিশা হঠাৎ সৰভোগ গাঁৱৰ ফজল হকৰ গোহালি ঘৰত ওচৰ-চুবুৰীয়াই এটা প্ৰকাণ্ড ভালুক প্ৰত্যক্ষ কৰে। ভালুকটো দেখি তেওঁলোকে সৰভোগৰ বেচৰকাৰী সংস্থা আৰ্থ ৰেঞ্জাৰক খবৰ দিয়াত আৰ্থ ৰেঞ্জাৰৰ লগতে মানাহ ৰাষ্ট্ৰীয় উদ্যানৰ পাণবাৰী বনখণ্ডৰ বন বিষয়া আৰু বনকৰ্মীসকলে আহি ভালুকটো পিঞ্জৰাত আৱদ্ধ কৰি সৰভোগ থানালৈ লৈ আহে। পাছত ভালুকটো পাণবাৰী বনখণ্ডত গাভৰুখুন্দাত ৰাখি, চিকিৎসা প্ৰদান কৰি মানাহ ৰাষ্ট্ৰীয় উদ্যানত মুকলি কৰি দিয়া হ'ব৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।