লংকাঃ এইবাৰ চোৰৰ চকু মূল্যবান মিঠাতেলৰ ওপৰত। কিছুদিন পূৰ্বে হোজাই আৰক্ষীৰ জালত পৰা মিঠাতেল চোৰ দেৱাশীষ দে'ৰ পাছত এইবাৰ মিঠাতেল চোৰ কৰি ৰাইজৰ ৰোষত পৰিল ৰাজু দাস। এইবাৰ মিঠাতেল চোৰ ৰাজু দাসক ৰাইজৰ চৰ-ঘোচা! মিঠাতেল চোৰ ৰাজু দাসক উত্তম-মধ্যম শোধাই গতালে হোজাই আৰক্ষীক। ৰাজু দাসে মিঠাতেল চুৰি কৰি অন্য দোকানত বিক্ৰী কৰিবলৈ আহি ৰাইজৰ ৰোষত পৰিল। দীৰ্ঘদিনৰ পৰাই ৰাজু দাস নামৰ গভাইত চোৰটোৱে মিঠাতেল চোৰ কৰি আহিছিল বুলি ৰাইজৰ অভিযোগ।
৭ কাৰ্টুন চুৰি মিঠাতেল বিক্ৰী কৰিবলৈ আহি অৱশেষত হোজাই আৰক্ষীৰ জালত পৰিল ৰাজু দাস। দেওবাৰে পুৱা উদয়পুৰ গোচৰা বস্তিত ৰাইজে আটক কৰে মিঠাতেল চোৰ ৰাজু দাসক। ধৃত চোৰটোৱে বিক্ৰী কৰিবলৈ অনা সাত কাৰ্টুন মিঠাতেল জব্দ কৰিছে ৰাইজে। ইতিমধ্যে স্থানীয় ৰাইজে চোৰটোক উত্তম মধ্যম সোধাই গতাই দিছে হোজাই আৰক্ষীক। মিঠাতেল চোৰ ৰাজু দাসে হোজাইৰ বিভিন্ন স্থানৰ পৰা মিঠাতেল চুৰি কৰি উক্ত গাঁওখনৰ এখন দোকানত বিক্ৰী কৰি আহিছিল। উল্লেখ্য যে কিছুদিন পূৰ্বে হোজাই আৰক্ষীয়ে চুৰি মিঠাতেল কিনাৰ অপৰাধত দেৱাশীষ দে নামৰ এজন দোকানীক গ্ৰেপ্তাৰ কৰি প্ৰেৰণ কৰিছিল জে'ললৈ। মিঠাতেল চোৰ দেৱাশীষৰ পাছত এইবাৰ ৰাইজে আটক কৰিলে ৰাজু দাস নামৰ আন এটা মিঠাতেল চোৰ। মিঠাতেল চোৰ ৰাজু দাস এতিয়া হোজাই আৰক্ষীৰ জালত।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।