বিশ্বনাথঃ অসম চাহ জনজাতি কল্যাণ সঞ্চালকালয়ৰ দ্বাৰা নিজ বাঘমাৰীত আজি চাহ-বাগিছাৰ চকীদাৰ সকলক চাইকেল বিতৰণ কৰা হয়। বাঘমৰা মণ্ডল বিজেপিৰ সভাপতি দধিৰাম শৰ্মাই শুভাৰম্ভ কৰা চাইকেল বিতৰণ কাৰ্যসূচীৰ আঁতধৰে চাহ জনজাতি কল্যাণ সঞ্চালকালয়ৰ বিশ্বনাথ মহকুমাৰ সদস্য ৰোহিত কন্দই। মিজিকা, বাঘমাৰী আৰু মোনাবাৰী চাহ বাগিছাৰ সৰ্বমুঠ ৩১ জন চকীদাৰক চাইকেল বিতৰণ কৰা হয়। উক্ত কাৰ্যসূচীত মোনাবাৰী জিলা পৰিষদৰ সদস্য তৰুণ তাঁতী, মোনাবাৰী গাঁও পঞ্চায়তৰ সভানেত্ৰী মিতালী মহানন্দকে ধৰি গাঁও পঞ্চায়তৰ প্ৰতিনিধি সকল উপস্থিত থাকি সহযোগিতা আগবঢ়ায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।